يا ترى مين الرئيس القادم ؟؟؟؟؟؟؟
هنقول المطلوب من الرئيس اللى جى ببساطة يعنى
لو سمحت يارئيسنا اللى عاوز تحكمنا الفترة القادمة عاوزين منك طلبات بسيطة يعنى تقدر حضرتك تحققهالنا ؟؟؟ ولا ايه؟؟؟
مش عايزين طابور عيش
مش عايزين طابور بنزين
مش عايزين طابور انابيب
مش عايزين طابور بطالة
مش عايزين طابور اسكان
مش عايزين طابور هجرة
مش عايزين طابور علاج
عايزين
تعليم كويس وكفاية جهل واستهتار بالتعليم
وظيفة مناسبة فى مكان مناسب وبلاش كوسة
صحة احنا عايشين بالبركة يعنى اكل مسرطن ومياه ملوثة كفاية كده
قيمة للمواطن المصرى فى بلدنا وبره بلدنا يكون لينا قيمة زى زمان
استغلال العقول المميزة مش نركن كل اللى يقدر يعمل حاجة كويسة فى البلد دى على جنب او ورا الشمس
عدالة اجتماعية مش ناس ساكنة قصور وناس فى عشش بتاكل من الزبالة
وبمناسبة الزبالة عيب تكون بلد زينا ليها حضارة وفيها زبالة ممكن نستغلها فى حاجات تانية مفيدة زى بلاد كتير
بلاش غلاء الاسعار ده اللى خلى دماغنا تغلى مش عارفين نعمل ايه
وطلبات كتيييييييييييييير تانية انتو ابدأو بس بده وان شاء الله هنكون بلد كويسة
ايه يامرشح للرئاسة هتعملنا اللى مطلوب منك ده ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ليست هناك تعليقات:
إرسال تعليق